இஸ்மாயிலியா, 03 மார்ச் (பெர்னாமா) -- 2026-ஆம் ஆண்டு ஹாக்கி உலகக் கிண்ண போட்டியின் தகுதிச் சுற்றுக்கான இரண்டாவது ஆட்டத்தில் தோல்வி கண்டதால் மலேசியா குழு அளவில் முதல் இடத்தை தக்கவைத்துக் கொள்ளத் தவறியது.
நேற்று நடைபெற்ற அந்த ஆட்டத்தில், மலேசிய ஆடவர் அணி, பாகிஸ்தானிடம் 3-5 என்ற கோல் கணக்கில் தோல்வியடைந்தது.
இந்தத் தோல்வியின் வழி, குழு பட்டியலில், மலேசியா இரண்டாவது இடத்திற்குத் தள்ளப்பட்டது.
எகிப்து, இஸ்மாயிலியாவில் நடைபெற்ற ஆட்டத்தின் 12-வது நிமிடத்திலேயே மலேசியா முதல் கோலை அடித்து முன்னணி வகித்தது.
இரண்டே நிமிடங்கள் கழித்து மலேசியா மேலும் ஒரு கோலை அடித்து பாகிஸ்தானை பின்னுக்குத் தள்ளியது.
இருப்பினும், சிறப்பான ஆட்டத்தை வெளிப்படுத்திய தொடங்கிய பாகிஸ்தான், 14 மற்றும் 16-ஆம் நிமிடங்களில் கோலை அடித்து ஆட்டத்தைச் சமப்படுத்தி மலேசிய விளையாட்டாளர்களை அதிர்ச்சிக்குள்ளாக்கியது.
40 நிமிடத்தில் மலேசியா மூன்றாவது கோலை அடித்து மீண்டும் முன்னணி வகித்தாலும், பாகிஸ்தான் 5-3 என்று ஆட்டத்தை தனக்குச் சாதகமாக முடித்துக் கொண்டது.
புதன்கிழமை நடைபெறவிருக்கும் சீனாவுடனான ஆட்டத்தில், மலேசியா வெற்றி பெற வேண்டிய சூழ்நிலைக்குத் தள்ளப்பட்டுள்ளது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
