மெல்பர்ன், 23 ஜனவரி (பெர்னாமா) -- ஆஸ்திரேலிய பொது டென்னிஸ் போட்டியின் நான்காம் சுற்றுக்கு, ஸ்பெயினின் கார்லோஸ் அல்கராஸ் தேர்வாகினார்.
இன்று நடைபெற்ற மூன்றாம் சுற்றில், அவர் பிரான்சின் கோரன்டின் மொட்டெவுடன் மோதினார்.
இந்த ஆட்டத்தில், உலகின் முதல் நிலை ஆட்டக்காரரான அல்கராஸ், 6-2 6-4 6-1 என்ற புள்ளிகளில் வெற்றி பெற்றார்.
இந்த ஆட்டத்தில் எந்தவொரு கடுமையான சவாலையும் எதிர்கொள்ளாமல் அல்கராஸ் எளிதான வெற்றியைப் பதிவு செய்து தமது ரசிகர்களை உற்சாகப்படுத்தினார்.
நான்காம் சுற்று ஆட்டத்தில் அவர், அமெரிக்காவின் தோமி பால்-ஐ எதிர்கொள்ளவிருக்கிறார்.
மகளிருக்கான ஒற்றையர் பிரிவில், உலகின் முதல் நிலை வீராங்கனை, அரினா சபலென்காவும் நான்காம் சுற்றுக்குத் தேர்வாகினார்.
ஆஸ்திரியா விளையாட்டாளருடன் விளையாடிய சபலென்கா, 7-6 7-6 என்ற நேரடி செட்களில் வெற்றி பெற்றார்.
நான்கு முறை கிராண்ட் ஸ்லாம் பட்டத்தை வென்றுள்ள Sabalenka, நான்காம் சுற்று ஆட்டத்தில் கனடாவின் விக்டோரியாவுடன் மோதவுள்ளார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
