இத்தாலி, 24 நவம்பர் (பெர்னாமா) -- டேவிஸ் கிண்ண டென்னிஸ் போட்டியின் பட்டத்தை மூன்றாவது முறையாக கைப்பற்றி இத்தாலி சாதனைப் படைதத்து.
அவண்ணியின் முக்கிய வீரர்களான ஜான்னிக் சின்னர் மற்றும் லோரென்சோ முஸெட்டி இல்லாத போதிலும் போலோக்னாவில், இன்று அதிகாலை நடைபெற்ற இறுதிப்போட்டியில் ஸ்பெயினை 2–0 என வீழ்த்தி இத்தாலி வாகை சூடியது.
நாடுகளுக்கு இடையில் நடக்கும் இப்போட்டியில் 2023 மற்றும் 2024-ஆம் வெற்றிகளுக்குப் பின்னர் தொடர்ச்சியாக மூன்றாம் முறையாக டேவிஸ் கிண்ணத்தை இத்தாலி வீரர்கள் தற்காத்துக்கொண்டனர்.
அத்தகைய சாதனையைக் கடைசியாக அமெரிக்கா பதிவு செய்திருந்தது.
1968 முதல் 1972-ஆம் வரை ஐந்து ஆண்டுகள் தொடர்ச்சியாக இக்கிண்ணத்தை அமெரிக்கா வீரர்கள் வென்றனர்.
நேரடியாக இறுதிச்சுற்றுக்குத் தகுதி பெறும் பொருட்டு டேவிஸ் கிண்ணம் இம்முறை கடுமையான போட்டியாக காணப்பட்டது.
மத்தியோ பெரட்டினி 6-3, 6-4 என நிலை பாப்லோ காற்ரெனோ புஸ்டா-வை வீழ்த்தி முன்னிலை வகித்த வேளையில் ஃப்லாவியோ கோபொல்லி 1-6, 7-6, 7-5 எனும் நிலையில் ஜாவ்மி முனார்-ரை தோற்கடித்து இரண்டாவது புள்ளியை உறுதி செய்தார்.
அரையிறுதி ஆட்டத்தில் ஜெர்மனியை தோற்கடித்து ஸ்பெயின் இறுதி ஆட்டத்திற்கு தகுதி பெற்ற வேளையில் இத்தாலி பெல்ஜியத்தை தோற்கடித்திருந்தது.
பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
