"என்னுடன் பேச்சுவார்த்தை நடத்தக்கூடிய ஒரு பிரதிநிதியைத் தேர்ந்தெடுங்கள்." - அன்வார்

கோத்தா மருடு, நவம்பர் 27 (பெர்னாமா) -- "என்னுடன் பேச்சுவார்த்தை நடத்தக்கூடிய ஒரு பிரதிநிதியைத் தேர்ந்தெடுங்கள்."

அதுவே, 17-வது சபா மாநிலத் தேர்தலில் போட்டியிடும் வாக்காளர்களுக்கு பிரதமர் டத்தோ ஸ்ரீ அன்வார் இப்ராஹிம் வழங்கியிருக்கும் அறிவுரையாகும்.

''எந்தக் கட்சி? எந்தக் கட்சியும் இல்லை, நான் சுயேச்சையாக இருக்கிறேன். நீங்கள் என்ன செய்ய விரும்புகிறீர்கள்? பரவாயில்லை. நாளை யாரிடம் பேச விரும்புகிறீர்கள்? எந்த மாநில அரசாங்கத்தை நீங்கள் பிரதிநிதிக்க விரும்புகிறீர்கள்? மத்திய அரசாங்கத்துடன் நீங்கள் சுயேச்சையாகப் பேச்சுவார்த்தை நடத்த விரும்புகிறீர்களா? என்னுடன் பேச்சுவார்த்தை நடத்தக்கூடிய ஒரு பிரதிநிதியைத் தேர்ந்தெடுங்கள்,'' என டத்தோ ஶ்ரீ அன்வார் இப்ராஹிம் கூறினார்.

ஒதுக்கீடுகளை முறையாக வழங்குவதற்கும், மாநிலத்தின் உள்கட்டமைப்பு வளர்ச்சியை விரைவுபடுத்தவும் இந்நடவடிக்கை அவசியமானது என்று அவர் கூறினார்.

இன்று, சபா கோத்தா மருடுவில் நடைபெற்ற மக்கள் நிகழ்ச்சியில் ஒன்றில், நம்பிக்கை கூட்டணி தலைவருமான அன்வார் உரையாற்றினார்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)