Ad Banner
Ad Banner
Ad Banner
 விளையாட்டு

உலகத் தர வரிசையில் 116வது இடத்தில் ஹரிமாவ் மலாயா

20/11/2025 07:36 PM

கோலாலம்பூர், 20 நவம்பர் (பெர்னாமா) -- மலேசிய காற்பந்து சங்கம் எப்.ஏ.எம் அரங்கத்திற்கு வெளியே பல குழப்பங்களை எதிர்கொண்டிருந்தாலும் அதன் தாக்கம் ஹரிமாவ் மலாயா அணியின் வேகத்தையும் முன்னேற்றத்தையும் ஒருபோதும் பாதிக்கவில்லை.

அனைத்துலக காற்பந்து சம்மேளனமான ஃபீஃபாவின் உலகத் தரவரிசையில் இரு இடங்கள் முன்னேறி தற்போது தேசிய அணி உலகின் 116வது இடத்தைப் பிடித்துள்ளது.

இந்த முடிவின் வழி காற்பந்து போட்டிகளில் சிறந்த அடைவு நிலையோடு இவ்வாண்டை முடிக்கும் தருணங்களை நோக்கி மலேசியா பயணித்துக் கொண்டிருக்கிறது.

2027 ஆசிய கிண்ணத் தகுதிச் சுற்றில் லாவோஸ் மற்றும் நேபாளத்தை வென்ற பிறகு நிர்வாகி பீட்டர் கிளமோவ்ஸ் கிதலைமையில் ஹரிமாவ் மலாயா தனது தரவரிசையை மேம்படுத்த முடிந்தது.

கடந்த மாதம் 118ஆம் இடத்தில் இருந்ந மலேசியா தரவரிசையில் இரு இடங்கள் முன்னேறி தொடர்ந்து சாதகமான நிலையில் உள்ளது.

கடந்த ஏப்ரல் மாதம் 131வது இடத்தில் இருந்த மலேசியா தொடர்ந்து முன்னேற்றம் அடைந்து வருகிறது.

இதனிடையே, தாய்லாந்து 95ஆம் இடத்தில் தென்கிழக்காசியாவின் சிறந்த அணியாக முன்னிலை வகிக்கும் வேளையில் வியட்நாம் 110 இந்தோனேஷியா 122 பிலிப்பைன்ஸ் 136 மற்றும் சிங்கப்பூர் 151வது இடங்களை வகிக்கின்றன.

--பெர்னாமா 

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)