Tuesday, 20 Oct 2020
அரசியல்
14/10/2020 12:03 PM

கோலாலம்பூர், 14 அக்டோபர் (பெர்னாமா) -- நம்பிக்கை கூட்டணியை பிரதிநிதித்து, ஜ.செ.க. செயலாளர் லிம் குவான் எங் மற்றும் அமானா கட்சித் தலைவர் முஹமாட் சாபு ஆகியோர் மாமன்னரை சந்திக்க அனுமதி வழங்கப்பட்டிருந்தது.  

ஆயினும் அந்த சந்திப்பு ஒத்திவைக்கப்பட்டிருப்பதாக இன்று வெளியிட்ட ஓர் அறிக்கையில் அவ்விரு தலைவர்களும் தெரிவித்திருக்கின்றனர்.   

மாமன்னரை இன்று புதன்கிழமை லிம் குவான் எங் சந்திக்கவிருந்த வேளையில், அக்டோபர் 21-ஆம் தேதி முஹமாட் சாபு சந்திக்கவிருந்தார்.

புதிய அரசாங்கத்தை அமைப்பதற்கு தமக்கு போதுமான ஆதரவு இருப்பதாகக் கூறி வந்த, எதிர்கட்சி தலைவர் டத்தோ ஶ்ரீ அன்வார் இப்ராயிம் நேற்று மாமன்னரை சந்தித்தார்.

இருப்பினும், தமக்கு ஆதரவு அளிக்கும் நாடாளுமன்ற உறுப்பினர்களின் பெயர்களை அன்வார் வழங்கவில்லை என்று நேற்று வெளியிட்ட ஓர் அறிக்கையில் இஸ்தானா நெகாரா தெரிவித்தது.

இந்நிலையில், அம்னோ தலைவரும் தேசிய முன்னணி தலைவருமான டத்தோ ஶ்ரீ டாக்டர் அஹ்மட் சாஹிட் ஹமிடி நாளை வியாழக்கிழமை மாமன்னரை சந்திக்கவிருப்பதாகக் கூறப்படுகிறது.

-- பெர்னாமா

எங்களைப் பற்றி

Malaysian National News Agency
Wisma BERNAMA
No.28 Jalan BERNAMA
Off Jalan Tun Razak
50400 Kuala Lumpur
Malaysia

Tel : +603-2693 9933 (General Line)
Email : helpdesk[at]bernama.com, tamil[at]bernama.com

மற்றவை

Corporate Site
தொடர்பு கொள்க

எங்களை தொடர்க