ஜாலான் பார்லிமன், நவம்பர் 24 (பெர்னாமா) -- 13வது மலேசிய திட்டம் - RMK13இன் கீழ் வருமானத்தை ஈட்டும் பல்வேறு நடவடிக்கைகளை மேற்கொண்டதன் பயனாக 2022ஆம் ஆண்டில் 0.2 விழுக்காடாக இருந்த நாட்டின் தீவிர வறுமை நிலை கடந்தாண்டு 0.09 விழுக்காடாகக் குறைந்துள்ளது.
ரஹ்மா உதவித் தொகை, எஸ்.தி.ஆர் மற்றும் ரஹ்மா அடிப்படை உதவி தொகை போன்ற முயற்சிகள் இந்த அடைவு நிலைக்கு உந்துதலாக அமைந்ததாகப் பொருளாதார துணை அமைச்சர் டத்தோ ஹனிஃபா ஹஜார் தாயிம் கூறினார்.
சுமார் 5 லட்சத்து 60 ஆயிரத்திற்கும் மேற்பட்ட குடும்பங்களை உள்ளடக்கிய சமூக நலப் பணிகளோடு 1 கோடியே 20 லட்சம் ரிங்கிட் திரட்டியுள்ள செஜாத்ரா மடானி திட்டம் மூலம் தனியார் துறையின் பங்களிப்பும் நாட்டின் தீவிர வறுமை விகிதம் குறைவிற்குப் பெரும் பங்களித்திருப்பதாக டத்தோ ஹனிஃபா தெரிவித்தார்.
''தீவிர வறுமையை வெல்வதில் உள்ள சவால்களில் வறுமை சம்பவங்களின் மற்றும் தன்மையும் ஒன்றாகும். வெளியே செல்ல முடிந்த குடும்பங்கள் இருக்கும்போது. வறுமையில் வாடும் பிற குடும்பங்களும் உள்ளன. வறுமானம் ஈட்டும் ஒரு தொழிலாளியின் மரணம், பணிநீக்கம் அல்லது இயற்கை பேரழிவு போன்றவை,'' என்றார் டத்தோ ஹனிஃபா ஹஜார் தாயிம்.
இன்று மக்களவையில் பெர்மாதாங் பாவ் நாடாளுமன்ற உறுப்பினர் முஹமட் ஃபவாஸ் முஹமட் ஜான் எழுப்பிய கேள்விக்கு அவர் அவ்வாறு பதிலளித்தார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
