Monday, 06 Jul 2020
பொது
30/06/2020 08:59 PM

புக்கிட் மெர்தாஜாம், 30 ஜூன் (பெர்னாமா) -- பொது பல்கலைக் கழகங்கள் மற்றும் தனியார் உயர்கல்வி கழகங்களில், வரும் அக்டோபர் மாதத்தில் மீண்டும் மாணவர்களை சேர்ப்பதற்கான செயல்பாட்டு தர விதிமுறை, எஸ்.ஓ.பி. மற்றும் வழிகாட்டிகளை, உயர்கல்வி அமைச்சு துல்லியமாக ஆராய்ந்து வருகிறது

இறுதியாண்டு மாணவர்கள், தேர்வு எழுதவிருப்பவர்கள் மற்றும் பொது பல்கலைக்கழகங்கள், தனியார் உயர்கல்வி கழகங்களில் ஆய்வு முறையில் இளங்கலை மற்றும் முதுகலை பட்டத்தை பெறவிருக்கும் மாணவர்கள் அதில் அடங்குவர் என்று அதன் துணை அமைச்சர், டத்தோ மன்சோர் ஒத்மான் தெரிவித்திருக்கிறார்.

உயர்கல்வி அமைச்சு, தேசிய பாதுகாப்பு மன்றத்துடன் பேச்சுகள் நடத்திய பின்னரே, இம்முடிவு எடுக்கப்பட்டதாகவும் அவர் கூறினார்.

ஜூலை முதலாம் தேதி தொடங்கி, அக்டோபர் முதலாம் தேதி வரையில், குறிப்பிடப்பட்டிருக்கும் பிரிவின் அடிப்படையில் மீண்டும் மாணவர்கள் சேர்க்கப்படுவர்.

நாளை தொடங்கி, பொது பல்கலைக்கழகங்கள் மற்றும் தனியார் உயர்கல்வி கழகங்களுக்குச் செல்லாமல், இணையத்தின் வழி, பதிவுச் செய்ய வேண்டும் என்றும் மன்சோர் தெரிவித்தார்.
 
அதுமட்டுமின்றி, இவ்வாண்டு இறுதி வரையில், அனைத்து கற்றல் மற்றும் கற்பித்தல் நடவடிக்கைகள் இயங்கலை வழியாக நடத்தவே அனுமதி வழங்கப்பட்டிருப்பதாகவும் அவர் கூறினார்.

-- பெர்னாமா

எங்களைப் பற்றி

Malaysia National News Agency
Wisma BERNAMA
No.28 Jalan BERNAMA
Off Jalan Tun Razak
50400 Kuala Lumpur
Malaysia

Tel : +603-2693 9933 (General Line)
Email : helpdesk@bernama.com, tamil@bernama.com

மற்றவை

Corporate Site
தொடர்பு கொள்க

எங்களை தொடர்க