கட்டார், 20 பிப்ரவரி (பெர்னாமா) -- கட்டார் பொது டென்னிஸ் போட்டியில், கணித்தது போலவே அரையிறுதி சுற்றுக்கு ஸ்பெயினின் கார்லோஸ் அல்கராஸ் முன்னேறியுள்ளார்.
இன்று அதிகாலை நடைபெற்ற காலிறுதி ஆட்டத்தில் அவர் ரஷ்யாவின் கரேன் கச்சனோவை கடும் போட்டிக்கு பின்னர் தோற்கடித்தார்.
முதல் செட் ஆட்டத்தில், கரேன் கச்சனோவ் சிறந்த ஆட்டத்தை வெளிப்படுத்தியதன் பயனாக 7-6 என்ற நிலையில் வெற்றிப் பெற்றார்.
ஆனால், பட்டத்திற்கு குறிவைத்திருக்கும் கார்லோஸ் அல்கராஸ் அடுத்த இரு செட்களில் கச்சனோவை தோற்கடிப்பதில் கடும் போட்டியைத் தந்தார்.
இறுதியில், 6-4 ,6-3 என்ற நிலையில் இரு செட்களையும் கைப்பற்றி, வெற்றிகரமாக அடுத்த சுற்றுக்குத் தேர்வானார்.
அரையிறுதி ஆட்டத்தில் அவர் ரஷ்யாவின் ஆண்ட்ரே ரூப்லெவ் உடன் மோதவுள்ளார்.
இதனிடையே, அரையிறுதிக்கு முன்னேறுவார் என்று பெரிதும் எதிர்பார்க்கப்பட்ட இத்தாலியின் யானிக் சின்னர் அதிர்ச்சி தோல்வி கண்டார்.
காலிறுதி ஆட்டத்தில் அவர் செக் குடியரசின் ஜக்குப் மென்சிக்கிடம் 7-6, 2-6 மற்றும் 6-3 என்ற நிலையில் தோல்வி அடைந்தார்.
மென்சிக் அடுத்த ஆட்டத்தில் பிரான்சின் ஆர்தர் ஃபில்ஸ் உடன் மோதுகின்றார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
