மின் விலைப்பட்டியலை நடைமுறைப்படுத்தும் மாற்றுக் காலம், அபராதமின்றி மேலும் ஓராண்டுக்கு நீட்டிப்பு

புத்ராஜெயா, 05 ஜனவரி (பெர்னாமா) -- 10 லட்சம் முதல் 50 லட்சம் ரிங்கிட் வரையில் ஆண்டு வருமானம் அல்லது விற்பனை மதிப்பு கொண்ட நிறுவனங்களுக்கு, e-Invois என்படும் மின் விலைப்பட்டியலை நடைமுறைப்படுத்துவதற்கான மாற்றுக் காலத்தை, அரசாங்கம் அபராதமின்றி மேலும் ஓராண்டுக்கு நீட்டிக்கிறது.

2026-ஆம் ஆண்டு ஜனவரி முதலாம் தேதி தொடங்கிய நான்காம் கட்ட e-Invois அமலாக்கத்தைத் தொடர்ந்து அந்நடவடிக்கை மேற்கொள்ளப்படுகிறது.

''மின் விலைப்பட்டியலுக்கு மாற்றுவதற்கான செலவு மிகவும் உயர்வானது என்று பலர் கூறியுள்ளதால், அவற்றை செயல்படுத்துவதை தாமதப்படுத்தும் வகையில், மின் விலைப்பட்டியல்களுக்கான அபராதம் இல்லாத மாற்ற காலத்தை மேலும் ஓராண்டிற்கு நீட்டிக்க அரசாங்கம் ஒப்புக்கொண்டுள்ளது. சில்லறை விற்பனை மற்றும் கட்டுமானப் பொருட்கள் துறைகளுக்கு ஒருங்கிணைந்த மின் விலைப்பட்டியல்களுக்கான தேவையை விரிவுப்படுத்தவும் நாங்கள் ஒப்புக்கொண்டுள்ளோம். ஜனவரி 1 முதல் ஜூன் 30, 2026 வரை ஆறு மாதங்களுக்கு செயல்முறை பணத்திற்கான தன்னார்வ அங்கீகார திட்டத்தை செயல்படுத்தவும் அரசாங்கம் ஒப்புக்கொண்டுள்ளது,'' என டத்தோ ஶ்ரீ அன்வார் இப்ராஹிம் கூறினார்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
---------------------------------------------------------------------------------------------------------------------------------------

சிலாங்கூர் சுல்தான் பிறந்தநாளில் ஃபஹ்மி-க்கு உயரிய விருது

கிள்ளான், 11 டிசம்பர் (பெர்னாமா) -- சிலாங்கூர் சுல்தான், சுல்தான் ஷாராஃபுட்டின் இட்ரிஸ் ஷா-வின் 80-வது பிறந்தநாளை முன்னிட்டு, தொடர்பு அமைச்சர், டத்தோ ஃபாமி ஃபாட்சிலுக்கு டி-பி-எம்-எஸ் எனப்படும் டத்தோ படுக்கா மக்கோதா சிலாங்கூர் என்ற உயரிய பட்டம் வழங்கி கௌரவிக்கப்பட்டது.

சிலாங்கூர், கிள்ளானில் உள்ள பலாய்ருங் செரி இஸ்தானா அலாம் ஷா-வில் இன்று நடைபெற்ற இவ்விழாவில் உயரிய பட்டம் மற்றும் அங்கீகாரத்தைப் பெற்றிருந்த 98 பேரில் ஃபாமியும் ஒருவராவார்.

ஃபாமியை அடுத்து, சிலாங்கூர் மாநில புறநகர் மேம்பாடு, ஒருமைப்பாடு மற்றும் பயனீட்டாளர்களுக்கான ஆட்சிக்குழு உறுப்பினர் டத்தோ ரிசாம் இஸ்மாயிலுக்கும் அதே விருது வழங்கி அங்கீகரிக்கப்பட்டது.

ஆண்களுக்கான டத்தோ மற்றும் பெண்களுக்கான டத்தின் படுக்கா என்ற பட்டத்தை உட்படுத்திய டி-பி-எம்-எஸ் உயரிய அங்கீகாரத்தை மொத்தம் 16 பேர் பெற்றனர்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)