கோலாலம்பூர், 27 நவம்பர் (பெர்னாமா) -- தாய்லாந்துக்கும் கம்போடியாவிற்கும் இடையிலான எல்லை மோதலில் மலேசியா ஒருபோதும் தலையிட்டதில்லை.
அண்மையில், தாய்லாந்து பேங்காக்கில் நிகழ்ந்த போராட்டங்கள் தொடர்பான விவகாரங்களில் பிரதமர் டத்தோ ஸ்ரீ அன்வார் இப்ராஹிம், ஈடுபட்டதாகக் குற்றம் சாட்டப்பட்டிருப்பதை தொடர்ந்து, வெளியுறவு அமைச்சர் டத்தோ ஶ்ரீ முஹமட் ஹசான் அந்த விளக்கத்தை அளித்துள்ளார்.
தாய்லாந்தில் தேர்தலுக்கு தயாராகி வரும் ஓர் எதிர்க்கட்சியால் அப்போராட்டம் ஏற்பாடு செய்யப்பட்டதாகவும் அவர் கூறினார்.
''மலேசியா, குறிப்பாக மாண்புமிகு பிரதமர் தலையிட்டதாகக் கூறுவது மிகவும் தவறானது. ஏனெனில் மலேசியா தலையிடவில்லை. தொடக்கத்திலிருந்தே, ஆசியானின் உறுப்பு நாடுகளின் விவகாரங்களில் தலையிடாத ஆசியானின் உணர்வை நாங்கள் நிலைநிறுத்தி வருகிறோம்,'' என்றார் முஹமட் ஹசான்.
தாய்லாந்துக்கும் கம்போடியாவுக்கும் இடையிலான பேச்சுவார்த்தைகளில், இரு தரப்பினரும் உள்விவகாரங்களில் தலையிடாமல் அமைதியாகவும் நடுநிலையாகவும் பேச்சுவார்த்தை நடத்துவதை உறுதி செய்வதற்காக, மலேசியா ஒரு ஒருங்கிணைப்பாளராக மட்டுமே செயல்பட்டதாக அவர் விவரித்தார்.
சண்டை நிறுத்தத்தை அமல்படுத்துவதற்கான விதிமுறைகள் உட்பட, நியாயமான அமைதிப் பேச்சுவார்த்தையை மேற்கொள்ள மலேசியாவை இரு நாடுகளும் கேட்டுக் கொண்டதாக முஹமட் ஹசான் மேலும் குறிப்பிட்டார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
