நெகிரி செம்பிலான், நவம்பர் 26 (பெர்னாமா) -- கடந்தாண்டு நிதி அறிக்கையின்படி போக்குவரத்து பற்றாக்குறையால் இழப்புகளைப் பதிவு செய்த 33 நெடுஞ்சாலை குத்தகை நிறுவனங்களில் 12-ஐ உட்படுத்திய பிரச்சனையைப் பொதுப்பணி அமைச்சு விரிவாக ஆராயும்.
இவ்விவகாரம் நாட்டிற்கு பெரும் நிதி தாக்கத்தை ஏற்படுத்தியதால் விரிவான கலந்துரையாடல் நடத்தப்பட வேண்டும் என்று அதன் அமைச்சர் டத்தோ ஸ்ரீ அலெக்சண்டர் நந்தா லிங்கி கூறினார்.
''நிதி தாக்கம் மிகப்பெரிய அளவில் இருப்பதால் நான் அவசரமாக அறிக்கையை வெளியிட முடியாது. பொறுமையாக இருங்கள். நாங்கள் அனைத்தையும் ஆராய்ந்தப் பின்னரே அதிகாரப்பூர்வ அறிக்கையை வெளியிட முடியும்.'' என்றார் டத்தோ ஸ்ரீ அலெக்சண்டர் நந்தா லிங்கி
இன்று, சிரம்பான் தெற்கு நோக்கிச் செல்லும் ஓய்வெடுக்கும் பகுதி R&R-இல் TuJu நெடுஞ்சாலை வழிசெலுத்தல் செயலியை அறிமுகப்படுத்திய பின்னர் செய்தியாளர்களிடம் டத்தோ ஸ்ரீ அலெக்சண்டர் நந்தா அவ்வாறு கூறினார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
