வடகிழக்கு பருவமழை காலம் முழுவதும் நிலைமை தீவிரமாகக் கண்காணிக்கப்படும்

பூச்சோங், நவம்பர் 24 (பெர்னாமா) -- மக்களின் பாதுகாப்பை எப்போதும் உறுதி செய்யவதற்காக வடகிழக்கு பருவமழை காலம் முழுவதும் நிலைமை தீவிரமாகக் கண்காணிக்கப்படும்.

அதிலும் நிவாரணம் மற்றும் மீட்புப் பணிகள் சீராக நடைபெறுவதை உறுதி செய்வதற்காக பல்வேறு நிறுவனங்களைச் சேர்ந்த ஒரு லட்சத்திற்கும் மேற்பட்ட பணியாளர்கள் மற்றும் உபகரணங்களுடன் தயார் நிலையில் இருப்பபார் என்று தேசிய தலைமைச் செயலாளர் தான் ஸ்ரீ சம்சுல் அஸ்ரி அபு பாக்கார் தெரிவித்தார்.

சம்பந்தப்பட்ட நிறுவனங்களில் இராணுவப் படை, போலீஸ் படை, தீயணைப்பு மற்றும் மீட்புப் படை, பொது தற்காப்புப் படை, ரேலா தொண்டூழியப் பணியாளர்கள் பொதுப்பணித் துறை ஆகியவை உட்படுத்தப்பட்டுள்ளதாக அவர் கூறினார்.

இன்று சிலாங்கூர் பூச்சோங் புலாவ் மெராந்தியில் அமைந்துள்ள தேசிய பேரிடர் கட்டுப்பாட்டு மையத்தில் பேரிடர் நிர்வாக குழுவின் தயார்நிலையைப் பார்வையிட்ட போது அவர் அதனைக் குறிப்பிட்டார்.

வெள்ளத்தால் பாதிக்கப்பட்ட ஏழு மாநிலங்களைச் சேர்ந்த 3,839 குடும்பத்திலிருந்து 11,009 பேர் அருகிலுள்ள தற்காலிக வெள்ள நிவாரண மையங்களில் தங்க வைக்கப்பட்டுள்ளனர்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)