தவாவ், 07 செப்டம்பர் (பெர்னாமா) -- ரஹ்மா அடிப்படை உதவித் திட்டம், சாரா மூலம், மக்களின் தேவைகளைப் பூர்த்தி செய்ய, அடிப்படைத் தேவைகள், குறிப்பாக அரிசி, எப்போதும் போதுமானதாக இருப்பதை உறுதி செய்வதற்காக, அரசாங்கம் கண்காணிப்பு வழிமுறைகளை மேம்படுத்தி வருகிறது.
அதிகம் வாங்கப்பட்ட பொருட்களை அடையாளம் காணவும், சந்தையில் விநியோகத்தில் எந்த இடையூறும் இல்லை என்பதை உறுதி செய்யவும் அரசாங்கம் நிகழ்நேரத் தரவைப் பயன்படுத்தும் என்று தொடர்பு அமைச்சர் டத்தோ ஃபஹ்மி ஃபட்சில் கூறினார்.
''அந்தத் தரவை நாங்கள் நிகழ்நேரத்தில் பெறுகிறோம். கொள்முதல்களின் எண்ணிக்கை ஒரு குறிப்பிட்ட வரம்பைத் தாண்டியிருந்தால், அதிகம் விற்பனையாகும் தயாரிப்பு வகைகளையும், விநியோகத்தை எவ்வாறு சமநிலைப்படுத்துவது என்பதையும் நாங்கள் அடையாளம் காணலாம். இதனால் எந்த இடத்திற்கு வந்தாலும் மக்கள் அந்த தயாரிப்புகளை மீட்டெடுக்க முடியும்,'' என்றார் அவர்.
சபா, தவாவ் மாகாணத்தின், மெரோதாயில் உள்ள ஒரு பேரங்காடியில் இன்று SARA செயல்படுத்தப்படுவதை பார்வையிட்டப் பின்னர், ஃபஹ்மி ஃபட்சில் செய்தியாளர்களிடம் இவ்வாறு கூறினார்.
சாரா திட்டத்தின் கீழ் பொருட்களை வழங்குவது குறித்து அடுத்த வாரம் புதன்கிழமை நடைபெறும் கூட்டத்தில் விவாதிக்கப்படும் என்றும், சில இடங்களில் தேவை மற்றும் விநியோகத்தை சமநிலைப்படுத்த ஒரு சிறப்பு வழிமுறை வகுக்கப்படும் என்றும் அவர் கூறினார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
