COVID–19 NEWS   Owners of premises in buildings allowed to determine protocol on wearing of face mask at their venue - Johor Exco | Italy greenlights Omicron-adapted COVID-19 booster shots | New COVID-19 cases down 16.9 pct last week | Japan to simplify COVID-19 airport quarantine procedures | EMA endorses Omicron-adapted COVID-19 vaccines | 
அரசியல்

நிலையான ஆட்சிக்கு கட்சித் தாவல் எதிர்ப்புச் சட்டம் பங்கு வகிக்கும்

10/08/2022 08:02 PM

கோலாலம்பூர், 10 ஆகஸ்ட் (பெர்னாமா) -- நாடாளுமன்ற உறுப்பினர்கள் கட்சி மாறுவதைத் தடை செய்யும் வகையில், கட்சித் தாவல்' சட்ட மசோதா மேலவை உறுப்பினர்களின் ஆதரவை பெற்று நேற்று அங்கீகரிக்கப்பட்டது.

ஒரு நிலையான ஆட்சிக்கு இந்தக் கட்சித் தாவல் எதிர்ப்புச் சட்டம் முக்கிய பங்கு வகிக்கும் என்று அரசியல் ஆய்வாளர் முனைவர் கிருஷ்ணன் மணியம் தெரிவித்திருக்கின்றார்.

2018ஆம் ஆண்டுப் பின்னர் நிகழ்ந்த அரசியல் நெருக்கடி மற்றும் நாடாளுமன்ற உறுப்பினர்கள் தங்களது கட்சிகளிலிருந்து மற்றொரு கட்சிக்கு தாவியப் பின்னர், ஆட்சி மாறக்கூடிய சூழ்நிலை ஏற்பட்டத்தை முனைவர் கிருஷ்ணன் மணியம் சுட்டிக் காட்டினார்.

''14ஆவது பொதுத் தேர்தலுக்குப் பின்னர் நடந்த பல சம்பவங்கள் மூன்று அரசாங்கத்தை உருவாக்கக்கூடிய நிலைமை ஏற்பட்டது. நாடாளுமன்ற உறுப்பினர்கள் தங்களது கட்சியிலிருந்து மற்றொரு கட்சி மாறி, அதற்கு வலுவை கொடுத்து ஆட்சி அமைக்கக்கூடிய சூழல் வந்தது. இந்த அடிப்படையில், ஒரு ஆட்சி செயல்படுவதற்கு சிரமமாம இருக்கும்,'' என்றார் அவர். 

இதற்கு தீர்வு காண்பதற்கே, கட்சித் தாவல் எதிர்ப்புச் சட்டம் உருவாக்கப்பட்டுள்ளது.

மக்களவையில் 209 நாடாளுமன்ற உறுப்பினர்கள் இதற்கு ஆதரவு தெரிவித்திருக்கும் நிலையில், மாநில சட்ட மன்றங்களிலும் இச்சட்டத்தை ஏற்றுக் கொள்ளக்கூடிய சூழல் இருப்பதை முனைவர் கிருஷ்ணன் மணியம் விளக்கினார்.

''அண்மையில், பினாங்கு மாநிலத்தில் இது ஏற்றுக் கொள்ளப்பட்டு அங்கு நான்கு சட்டமன்ற உறுப்பினர்கள் கட்சி தாவல் எதிர்ப்பு சட்டத்தின் அடிப்படையில் அவர்கள் மீது நடவடிக்கை எடுக்கப்படும் என்று சொல்லப்பட்டிருக்கின்றது,'' என்று அவர் கூறினார். 

இதனிடையே, இந்தக் கட்சித் தாவல் எதிர்ப்புச் சட்டம் நிறைவேறியப் பின்னர், நாடாளுமன்றத்தில் இருக்கக்கூடிய பெரும்பான்மையை இழக்கும் சூழ்நிலையை அரசாங்கம் எதிர்நோக்க நேரிடலாம் என்று கிருஷ்ணன் மணியம் கூறுகிறார்.

இதனால், நாடு பொது தேர்தலை சந்திக்கக் கூடிய காலக்கட்டத்தில் இருப்பதாக அவர் குறிப்பிட்டார்.

''இந்தக் கட்சித் தாவல் எதிர்ப்புச் சட்டம் இருப்பதனால் அவர் தாங்கள் சார்ந்த கட்சியின் மூலம் தேர்ந்தெடுக்கப்படும் பொழுது நாடாளுமன்றத்தில் அவர்கள் உறுப்பினர்களாக நியமிக்கப்பட்டதற்குப் பின்னர், அவர்கள் கட்சி மாறக்கூடிய சூழ்நிலை இருக்காது'' என்றார் அவர். 

இந்த சட்ட மசோதா மாட்சிமை தங்கிய மாமன்னரின் ஒப்புதலைப் பெற்றவுடன் திருத்தம் செய்யப்பட்ட சட்டமாக அரசாங்கப் பதிவேட்டில் பதிவு செய்யப்படும்.


-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)