Friday, 27 Nov 2020
17/11/2020 12:48 PM

கிரிக், 17 நவம்பர் (பெர்னாமா) -- ரவுப் மருத்துவமனையில் நேற்றிரவு 7 மணியளவில் மாரடைப்பு காரணமாக காலமான 63 வயதுடைய கிரிக் நாடாளுமன்ற உறுப்பினர் டத்தோ ஹஸ்புல்லா ஒஸ்மானின் நல்லுடல் கம்போங் பாடாங் இஸ்லாமிய மையத்துக் கொல்லையில் இன்று காலை 11.30 மணிக்கு அடக்கம் செய்யப்பட்டது.

அவருக்கு டத்தின் ரோஸ்மாவத்தி அரிஃபின் மற்றும் ஸைனி அபு பக்கார் என்ற இரு மனைவிகளும், 2 மாதங்களிலிருந்து 34 வயதிற்குட்பட்ட 8 பிள்ளைகளும் உள்ளனர்.

1957-ஆம் ஆண்டு பிறந்த டத்தோ ஹஸ்புல்லா ஈப்போ, சுல்தான் இட்ரிஸ் ஷா இடைநிலைப்பள்ளியில் ஓர் ஆசிரியராக தமது பணியைத் தொடங்கினார்.

கடந்த 2013-ஆம் ஆண்டில் தேசிய முன்னணியைச் சேர்ந்த இவர் கிரிக் நாடாளுமன்ற உறுப்பினரானார்.

பின்னர், 14-வது பொதுத் தேர்தலில் தம்மை எதிர்த்து போட்டியிட்ட முஹமட் டஹாலான் இஸ்மாயிலையும் இப்ராஹிம் முஹமட் ஹனாஃபியாவையும் 5,528 வாக்குகள் பெறும்பாண்மையில் தோற்கடித்து அத்தொகுதியை தக்க வைத்துக்கொண்டார்.

டத்தோ ஹஸ்புல்லா, 2009-ஆம் ஆண்டு டான் ஶ்ரீ முகிடின் யாசின் நாட்டின் துணை பிரதமராக இருந்த காலக்கட்டத்தில் அவரின் அரசியல் செயலாளராகவும் பதவி வகித்தார் என்பது குறிப்பிடத்தக்கது.

இதனிடையே, டத்தோ ஹஸ்புல்லாவின் குடும்பத்திற்கு மக்களவை இன்று தனது இரங்கலை தெரிவித்தது.

அனைத்து நாடாளுமன்ற உறுப்பினர்கள் மற்றும் ஊழியர்களைப் பிரதிநிதித்து மக்களவைத் தலைவர் டத்தோ அஸார் அசிசான் ஹருன் இந்த இரங்கலை தெரிவித்தார்.

-- பெர்னாமா

எங்களைப் பற்றி

Malaysian National News Agency
Wisma BERNAMA
No.28 Jalan BERNAMA
Off Jalan Tun Razak
50400 Kuala Lumpur
Malaysia

Tel : +603-2693 9933 (General Line)
Email : helpdesk[at]bernama.com, tamil[at]bernama.com

மற்றவை

Corporate Site
தொடர்பு கொள்க

எங்களை தொடர்க